"شبكة".....مش جايب
"مهر"......مش دافع
"فرح".....مش عامل
والله يا عمي أنا يسعدني و يشرفني اني اتجوز بنتك""
"والله يا ابني انت فآجئتني,لكن طالما صبحية بنتي موافقة وانت باين عليك شاب ابن حلال و مستقبلك مشرق ,يبقي ع البركة .... وماتحملش هم حاجة,يعني بالنسبة للشبكة والمهر والفرح أنا مش هحملك كتير, شوف تقدر تعمل ايه و أنا موافق.... أنا اللي يهمني ان بنتي تكون مبسوطة و متجوزة راجل!"
"احم.......عمي!"
"نعم يا ابني؟!"
"أنا مش....."
"مفهوم مفهوم......شوف, زي ما قلت لك , الشبكة اللي هتنقيها صبحيه أنا معنديش مشاكل طالما عجباها , ان شالله تكون ب عشر تلاف جنية *بس*!!! , طالما هي مبسوطة خلاص!"
"عمييييييييييييييييييي......"
"يا ابني و مش لازم مهر, نظبط حاجة بالنص , و عموما شوف محوش كام و أنا هابقي مع والدك!"
"عمييييييييييييييييييي........"
"لأ......بص بقي لحد الشقة و استوب"
"يا عمييييييييييييييييي..."
"ما هو مش معقول يا ابني ......أقول لك , لو البنت موافقة تقعد في بيت أهلك كام شهر لحد ما تستلموا الشقة أنا معنديش مانع!"
"أووووووووووووووووووه ! يا عمي!"
"اية بس يا أبني؟ "
"ممكن تبلع لسانك شويه علشان اعرف أتكلم!"
(صبحية تغمز لي من ورا الستار اني أهدي اللعب شوية, قمت انا مشاور لها ان كل شئ تحت السيطرة!)
(عمي متثبت, مش عارف يقفش ولا ياخدها بهزار و لا يعمل ايه!)
"شوف يا عمي.....أنا مش هجيب شبكة!!"
؟؟؟؟؟؟؟؟؟؟؟؟؟؟؟؟؟؟!!!!!!!؟؟؟؟؟؟؟!!!!!!!؟؟؟؟؟؟؟!!!!؟!!!!!!!!!!!!
"ا....ا....يعني اية يا ابني اللي انت ب تقولة دة؟!"
"معيييييش عشر تلاف جنية زيادة احطهم في شبكة!"
"أمال انت جي تتقدم طرزان كدة يا أبني؟! "
"لأ مش طرزان ولا حاجة يا عمي, واضح ان حضرتك ابن نكتة صحيح..... هاهاهاها!"
"و الله يا أبني مش عارف مين فينا اللي ب ينكت!"
"مش بنكت خالص, العشر تلاف جنية دول,أنا أفضل أحطهم في الشقة,نجيب شقة أوسع أو في حتي نفرشها أحسن...أو بلاش , ممكن أحطهم مقدم عربية لصبحية , أو على الاقل خالص نسافر حتة أحلى فى الهانى موون !"
"يا أبني ماتعملوا كل دة , و برضة نجيب شبكة!"
"معييش فلوس يا أونكل ....."
"ليه يا ابني انا سآلت عن أهلك و همه ناس كويسين جدآ! "
"وايه دخل ده بالموضوع يا عمى ؟"
"قصدي يعني ان ابوك راجل متيسر........و انت فاهم يعني"
" أيوا يا أونكل بس أنا مش متيسر"
"ما هو البركة في بابى يا حبيبي"
" بابي ده عندكم هناك , اكن أنا هنا علشان اتجوز بامكانياتى أنا , ونظرا لأنى شاب فى العشرينات من العمر فأكيد معييش فلوس اجيب شبكة , وشقة و مهر واعمل فرح واسافر شهر عسل .... الا لو حضرتك بقى فاكرنى تاجر مخدرات !"
"اية الوقاحة دي يا ولد , أمال انت جي تقابلني لية؟"
"علشان اتجوز......."
"و هتتجوز ازاي يا أفندي لما مش عايز تجيب كل الحاجات دي؟ "
"زى الناس يا عمى ؛ أنا مأجر شقة قانون جديد فى المعادى هنعيش فيها لحد ما بيتنا فى الرحاب يخلص , وأنا ب اشتغل و صبحية ب تشتغل وه نقدر نفتح بيت من فلوسنا ان شاء الله , وعلى بال ما بيتنا يخلص يكون ربنا أكرمنا و جيبنا العفش و الجهاز الأساسى , وواحدة ..واحدة نكبر ... فين المشكلة ؟!"
"امممم.............و بالنسبة للفرح يا ابني......"
"ه نشوف يعنى , نحجز فى أى مطعم أو أوتيل شيك و نعمل عشا يحضره الناس اللى بجد ه يفرحوا لنل , وننبسط كلنا وبعدين نبات ليلة فى الأوتيل ده , و بعدها نسافر وخلاص ....."
"يعني انا مطلوب مني اية دلوقتي يا ابني؟"
"توافق ع الجوازة وتبعت لى صبحية بشنطة هدومها و تخلع أنت بقى ,و كفاية عليك لحد كدة....أه , و طلب أخير يا عمي , يا ريت ما تركبش دماغك اننا نسمي أول عيل علي اسمك , كفاية عملتك السودا لمل سميت صبحية علي اسم ابوك الحاج صبحي الله يرحمه!!"
(لحظة من الصمت , و صبحية حياتي تشاور لي من ورا الستارة بعلامة النصر!!")
"احممم........شوف يا ابني , واضح ان انت فاهم الموضوع غلط اللي انت ب تقولة دة معناة اني رامي بنتي , و انا مش عاجز عن اني اجوزها احسن جوازة , و أعمل لها أحسن فرح....ثم ان بنتي مش اقل من بنات اعمامها و لا بنات خالاتها علشان تتجوز سكيتي و متجيلهاش شبكة و لا يندفع فيها مهر......كونك انت بقي مش علي قد مستوي المسئولية دي مشكلتك , و عموما انا ليا كلام تاني مع احمد بية والدك لانة مكانش اتفاق عيال من الاول علشان يشيل ايدة بالطريقة دي ويسيبك تعك العك دة!"
(حماتي ام صبحية تشير لأبو صبحية من ورا الستارة بعلامة النصر)
"شوف يا عمي و كلامك مع احمد بية دة يبقي في حالة لما أنت و أحمد بية تيجوا تتجوزوا , لكن دلوقت كلامك معايا أنا , ولو رجعنا للي انت قلتة هنلاقية كلة كلام يدور حوالين المنظرة و مين أحسن و مين أوحش في حين ان أنا بقول لك جوزني بنتك و أنا كفيل بيها, لكن لو احنا قدامنا ان شاء الله حياة كاملة نخططها مع بعض, لية نوقفها عند شبكة و مهر و فرح و كلام كدة مش جايب همة؟! "
"مش جايب همة دة بالنسبة ليك يا ابني , لكن صبحية بنتي الوحيدة و من حقي افرح بيها زى ما اهلك من حقهم انهم يفرحوا بيك......و انت عايز تبوظ فرحتنا دى مع انة في امكانك تدفع! "
"والله يا عمي لو معايا أنا م اتأخرش!"
"يا ابني امال أبوك ربنا يخلية ليك ب يعمل اية؟! "
"يا عمي شكلك كدة ما ب تفهمش!! "
(صبحية تلطم من ورا الستارة!)
"يا عمي انا ليا وجهة نظر, كوني أبني نفسي بنفسي هو دة اللي يخليني راجل ملو هدومي , و قد المسئولية قدام , و هو برضة اللي ه يحسسني بقيمة الحياة اللي انا عايشها , و يخليني أحب البنى آدمة اللي بنت معايا كل دة من الصفر .... باختصار ه يخلي لحياتنا قيمة, بدل ما ناخدها ع الجاهز و نعيشها كدة فاضية , و عند أول موقف صعب يبقي أسهل حاجة علينا اننا زي ما دخلنا بالمعروف نخرج بالمعروف!"
"شوف يا ابني , أنا تعبت كتير علشان ولادى ما يشوفوش اللي انا شفتة و أنا صغير , ف مش هتيجي انت دلوقتي تقاوحني في اني اعمل كدة ف بنتي بنفسي!"
"شوف انت يا عمي , علشان أنا جبت آخري منك , انت ب تطالبني اني أعيش بنتك في نفس المستوي اللي انت معيشها فية....مع انك عندك 55 سنة , و بقي لك 30 سنة ب تشتغل , و لما اتجوزت الهانم أم صبحية نيمتها ع البلاط ليلة الدخلة و صبحية حكت لي انها لحد النهاردة عندها روماتيزم في العضم , وكمان جالها الديسك من عدم مراعاتك لخشونة الأأيام شهر العسل.....وآديكم آهه عايشين و كويسين ,و تلاقيكوا كمان ب تفتكروالأيام دي و تقولوا انها أحاي أيام.....لية بقي احنا مش من حقنا نخوض التجربة دي؟!"
(أبو صبحية بدا يقتنع و ام صبحية تستحلف لة من ورا الستارة و صبحية متمسكنة!)
"انما قل لي يا ابني .....أهلك موافقين ع الكلام دة؟! "
"لأ طبعا!"
"خلاص....لو أهلك وافقوا علية يبقي انا كمان أوافق!"
"يعني اية يا عمي؟!"
"يعني بدل ما انت عمال تتنطط عليا, روح يا شاطر أقنع أهلك بدل ما كل حاجة تيجي علي الغلبان اللي هو أنا"
(و ينظر لأم صبحية نظرة يستنجد بها)!!!
Hi5 Falling Stars 
