Saturday, September 8, 2007

اسئلة بديهية


اسئله بديهيه مالهاش اي لازمه
في اسئله بديهيه مالهاش اي لازمه في الدنيا بنتعرض ليها كل يوم من كل الناس
خلـونـــا نشــوف أمثلة
أنت في أوضتك .. على السرير وطافي النور ومتغطي ...يجي أخوك الظريف ويفتح الباب عليك ويقول : ايه يا ده انت هتنام ولا ايه ؟(( أظن ده مش وضع الرقص !!! واضح ان انا هنام))
*******************
أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير انتوا جيتــواااااااااااااااااااااااااااااا
((لا لسه))
*******************
والعكس : أنت لابس هدومك و متأنتك و على سنجه عشره وريحة البارفان واصله لاخر الشارع .. وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه
(( !!! لاء دانا لسه راجع))
*********************
أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟يقولك : انت رايح الشغل يابيه ؟
(( لا العربيه واحشاني))
*********************
مثلا ماسك سماعه التلفون وقاعد تضغط الارقام يجي حد من أهلك ويقولك : انت هتتكلم في التليفون ؟
((لا أبتفرج عليه أكيد بتكلم))
******************
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك :هاه قاعد تذاكر ؟
(( تقوم رامي الكتاب و تقوله لا))
***************** *
ولا تعالــو شوفو قنواتنا واسئلتهم البديهيه البايخه
برنامج اهداءات يتصل واحد يطلب أغنيه ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟
(( لاء طالبها اخنق على نفسي لاااااااا))
******************
ربنا هاديك كده ... ماسك سبحه و عمال تسبح ، يجي حد من البيت يعدي عليك ويقول :هوه انت بتسبح
((لاء هفرطها و أسلقها))
*****************
*****************
أو مثلا في العيد
المذيع : هههههه هههههههه هههههه نتعرف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان ؟ هههههه هههههه هههههههالمواطن : أقولهم كل عام وأنتم بخير ..
(( أكيد يعني مش هيقولهم البقاء لله))
***************

6 comments:

kholoud said...

هههههههه شوفتي يا سيتي اول كومينت اهو رغم المشغوليات والله
الناس خلاص ما بقوش لايين حاجه يقولوهه ناس فاضيه نقول ايه؟؟؟

MestKA said...

ههههههههههههههه
دا احنا لسه كنا بنتكلم ف الموضوع ده واحنا ف الكورس دخلت بنت بتقول هو الدكتور مجاش وهو مش موجود اصلا

بس عموما اللي بيسأل الاسئله دي بيبقى قصده التعجب مش السؤال

rOshe said...

kholoud;
3ndk 72 3ltoooool kalam kalam aeh mbemlosh..

mestka;
kalamk s7 3'albeto bekon t3gb.. bs fe as2la htl w 3bt zy f el 3ed ht2olhm a...!!!!!

Tschuss said...

mblash aktbasat aw tktby ank mktbsa almodo3 mn ai 7aga tanya l2ny 2ret al post dh 2bl kda 3la al facebook ('_')

rOshe said...

tschuss;
a ya 3m bra7a 3lena..
aslo e mail etb3tly... hehehe...
w 3l 3mooom 7adr msh h2oool gbto men fen...ok...
h7'leh sr...

Mkjwe said...

اهههههه نيس بوست يا عسل

بجد اسعدني مروري ومشاركتي في مدونتك الجميلة

تقبلي تحياتي